Një njoftim jo të zakontë ka shpërndarë sot në mëngjes policia e Shtetit. Ajo ka arrestuar në Kavajë një djalë 25-vjeçar, i cili po kultivonte në kanabis në gota plastike. Policia thotë shprehimisht se “fidanët e dyshuar varionin nga 2 deri në 4 centimetra” dhe u sekuestruan në cilësinë e provës materiale.
Lexoni më poshtë, njoftimin e plotë të policisë së Shtetit:
“Tenton të kultivojë bimë narkotike, por arrestohet në flagrancë nga Policia.
Më datë 17.03.2017, nga Shërbimet e Komisariatit të Policisë Kavajë, është arrestuar në flagrancë shtetasi:
- Daniel Çengeli, 25 vjeç, banues në Kavajë
Mbi bazën e informacioneve të marra në rrugë operative si dhe në vijim të kontrolleve për parandalimin e kultivimit të bimëve narkotike, për gjetjen e farërave narkotike, farishteve apo fidanëve në kubik, gjatë kontrollit të ushtruar në banesën e këtij shtetasi, janë gjetur:
– 6 gota plastike ku kishte kultivuar bimë narkotike.
Fidanët e dyshuar me bimë narkotike Cannabis Sativa, varionin nga 2 deri ne 4 centimetra, dhe janë sekuestruar në cilësinë e provës materiale.
Materialet i’u kaluan Prokurorisë Pranë Gjykatës së Shkallës së Parë Kavajë, për veprën penale ‘Kultivimi i bimëve narkotike’, parashikuar nga Neni 284 i Kodit Penal”, thuhet në njoftimin e policisë.
GSH.al
Për të marrë lajmet e fundit të “Gazeta Shqiptare”, ndiq faqen tonë në Facebook.
